最近朋友介紹塞星廚房電器,不知道效果怎麼樣?看他的商標和三星硬是接近哦。saisung 味分高下》天使妹8位「味之天使」中以「梳打」賈曉晨同僕崩長城嘅「忌廉」麥酷兒最多仔冧,不過其餘成班士多啤梨蘋果橙亦唔輸蝕,影相影到使橫手掗開對手,熱身時間已經咁精采,好睇過港姐扮大方啦。出踭攝位8條女一齊跑住影相,為咗佔據有利位置,士多啤梨周麗欣(右二)竟忽然起踭頂開後面嘅蘋果何卓瑩,搞到蘋果(左二)笑住大嗌:「邊個再撞我,我會出踭o架!」排位預測8位「味之天使」當中最索嘅賈曉晨企正黃金位,至於僕崩長城嘅麥皓兒個位都非常當眼,而天使手上拿住嘅寶箱內各有美食及難食兩種食物,兩組參賽明星各自揀食,然後使出演技令對手估錯。連環騷擾歐陽震華一見jj賈曉晨即時說:「我梗係要揀個靚啲啦,呢個飲得杯落!之後更乘機捉住女方玉手說:「等我哋騷擾孫耀威先!」不過睇落似歐陽震華騷擾jj多啲!怕醜中計bobby熱情,反而孫耀威就好怕醜,仲俾jj美色誘惑搞到輸曬$8,000身家,事後孫耀威就怕怕醜咁話:「jj好靚女,所以分咗心!」做乜成34歲人啲定力都咁差呀!順番條氣蘋果何卓瑩影相識起踭還擊,錄影亦一樣識做,見王喜食到嘔,嗱嗱臨用手輕掃王喜背脊,醒目又唔怕醜,前程似錦呀!天使鬥美麗8位「味之天使」私底下亦鬥個七彩,上週六(25日)到大浪灣影相做訪問。8位靚女有扮cool有人襟撈,仲有人出術起踭,性格原形畢露,搞咁多嘢都係最緊要搶鏡,《味分高下》32集流流長,8位天使有排鬥呀!梳打賈曉晨 年齡:25歲 身高:165cm 體重:98lbs 三圍:33-23-33冷面廚神 曾經奪得「美少女廚神」冠軍嘅梳打賈曉晨jj憑住甜笑蛇腰電到嘉賓歐陽震華、孫耀威失曬魂,不過梳打姐姐電力只限提供畀紅星,在拍攝當日就經常戴住耳筒聽歌,嘢都唔講多句,就算揀衫影相jj亦好瀟灑咁話:「又唔會冇衫著嘅!你哋揀曬先啦!」玩讓賽添。啤梨張韋怡 年齡:23歲 身高:165cm 體重:104lbs 三圍:34-24-36撈嘢辣妹 啤梨張韋怡(gogo)今年參選港姐入唔到圍,但因為之前拍過唔少sexy泳衣照而有翻版小沢圓稱號。平時最愛蒲蘭桂坊嘅gogo,口頭禪係:「我嚟撈嘢o架!」粗豪到咁,唔怪得高貴港姐唔受你玩。忌廉麥皓兒 年齡:21歲 身高:163cm 體重:93lbs 三圍:33-22-33吹水教主 忌廉麥酷兒亦係今年落選港姐,最出名嗰次係長城僕低,為人最口甜舌滑,幾乎人人賣口乖,先讚化妝同髮型師「今次個妝同個髮型係咁耐以嚟最靚o架!」再本刊攝影師「啲相仲靚過我選港姐影嗰啲!」把口口浪過油應該可以拍香口珠廣告。蘋果何卓瑩 年齡:21歲 身高:163cm 體重:95lbs 三圍:32-22-33益力多妹 蘋果何卓瑩同jj賈曉晨同一經理人公司,之前喺益力多新一輯廣告入面做女主角,又喺台灣拍過20多集的《好美麗診所之青春版》。拍攝當日angel極之世界女,擺pose亦最自動波,出外面見識過真係唔同啲。橙鄭瑩瑩 年齡:21歲 身高:169cm 體重:110lbs 三圍:32.5-24-34奶茶陳蔚而 年齡:22歲 身高:166cm 體重:108lbs 三圍:33-24-34索過季軍 鄭瑩瑩(左)港姐都入到16強,參選時拍埋季軍周美欣旁邊,都唔係好輸蝕。舞林高手 又係入唔到圍嘅出局港姐陳蔚而表演慾超強,自細學中國同社交舞,表演經驗豐富,所以上鏡淡定唔驚青。士多啤梨周麗欣 年齡:22歲 身高:167cm 體重:103lbs 三圍:32-22-33古仔拍檔 未入電視台前於電影《生日快樂》、《女人本色》等客串過,《生日快樂》入面做古仔舊同學,原來都有幾句對白,最後俾導演cut剩一句:「嚟到啱啱好埋單」。雜果賓治陳苑蔚 年齡:25歲 身高:165cm 體重:104lbs 三圍:34-24-36子淇師妹 今年港姐入唔到圍嘅陳苑蔚,畢業於倫敦經濟學院,即係徐子淇讀master嗰間,雖然晉級港姐複試,但遇著眼角膜發炎,無緣晉級。 八位「味之天使」年輕又貌美,節目未播已經有網友想攞她們的靚相及資料。其中jj賈曉晨同麥皓兒最有潛力,應該好快發圍。
|
|